Rol jokoa

• Jolas honetan, gatazka bat eragin dezaketen bi egoera azaltzen dira, non pertsonaia bakoitzak jarrera eta iritzi desberdina erakusten duen.

• Lehen Hezkuntzako ikasleei zuzendutako jolasa.

Joko honetan, irudi batek gertaera jakin baten aurrean gatazkak planteatuko ditu hainbat pertsonaia eta jarreren artean. Gatazkari aurre egiteko, besteak beste, entzute aktiboa, norberaren irizpidea adieraztea, tolerantzia, enpatia, lankidetza, ikuspuntuen trukea eta adostasuna sustatuko dira. Eraikitzeko aukera bat izango da; hau da, bake aukera bat egunerokoa bizitzeko.

Hezkuntza etapari buruzko orientazioa

Lehen Hezkuntzako goiko zikloko ikasleei zuzendutako jolasa da.   

Zerikusia duten haurren eskubideak:

• Indarkeriatik babesteko eskubidea.
• Parte-hartzeko eta adierazpen askatasunerako eskubidea.

Nola jolasten da?

Joko honek bi pantaila ditu. Horietako bakoitzean egoera zehatz bat planteatzen da, fikziozkoa, baina ikasleen egunerokotasunari lotuta dagoena eta balizko gatazka bat erakusten duena. Pantailan agertzen den pertsonaia bakoitzak jarrera edo iritzi bat erakusten du, planteatutako gatazkaren aurrean.

Asmoa da, pantaila bakoitzean, pertsonaia bakoitzak dioena irakurri edo entzun ondoren, ikasleek esku-hartze bakoitza komentatzea, haren aldeko eta kontrako argudioak emanez. Aukera bakoitzari eusten dioten nahiko ikasle baditugu, taldeak osa ditzakegu, talde bakoitzak bestea konbentzitu dezan bere aukera egokiena dela. Ikasleak beste bando batera alda daitezke, beste horren argudioek konbentzitu badituzte.

Azkenean, jardueraren amaiera gisa, talde bakoitzeko ordezkari batek egoeraren laburpena egingo du: aukera bat bestea baino hobea zergatik iruditzen zaion argudiatuko du, eta azalduko du ea eztabaidan zehar ikaskideek edo berak iritzia aldatu duten, eta zergatik.

Jolasten den bitartean

Jolas osoan zehar mantenduko da parte-hartzaileen arteko eztabaida. Bake, inklusio eta enpatia giroa sortzeko, aukera bat bestea baino hobea zergatik ote den argudiatuko dute, besteekiko errespetua sustatzeko helburuarekin. Hartara, jolas hau proposamen dinamikoa da.

Conceptos clave:

Bizikidetza, tolerantzia, inklusioa, errespetua, bakea, indarkeriarik eza, adierazpen-askatasuna, negoziazioa, argudiatzea.

Nori zuzenduta: Lehen Hezkuntza

Editaia: UNICEF Espainia, 2023ko abendua.

Edukiak eta ekoizpena: Eduxarxa, SCCL

Beste hizkuntzatan ere eskuragarri: CAT | EUS | GAL | VAL

Genially-n eskuragarri: CAT | EUS | GAL | VAL