Gaurkotasunaren galdera lehiaketa

• Gaur egun gertatutako indarkeria kasu ezberdinei lotutako sei galderak ebatzi eta horiei buruz hausnartu beharko duzue erantzunik egokiena topatzeko.

• Bigarren Hezkuntzako ikasleei zuzendutako jolasa.

Gaur egungo indarkeria detektatzea da jolas honen helburu nagusia (indarkeriaren kulturaren kontzeptua nabarmenduz, oso onartuta baitago). Mundu osoan sortzen diren albisteetatik abiatuko gara, eta hedabideek nola tratatzen edo zabaltzen dituzten ere ikusiko dugu. Hemen, informazioaren eta iritziaren arteko desberdintasunaren ideia sartzen da.

Konpondu beharreko gaiak planteatzeko, ikasleen zentzu kritikoa erabiltzen saiatuko gara, munduaren begirada aldatuz (aurreiritzi gutxiagorekin, enpatia gehiagorekin...) gatazkak kudeatzeko edo konpontzeko dauden moduak bistaratuta.

Galderek aipatzen duten informazioari lotutako estekak eskaintzen dira; planteatutako kasuari buruzko ezagutzak zabaltzen lagun dezakete.

Hezkuntza etapari buruzko orientazioa

Batxilergorako proposatzen dugu joko hau; baina, nahi izanez gero, beste hezkuntza etapa batzuetan ere egin daiteke.

Zerikusia duten haurren eskubideak

• Indarkeriatik babesteko eskubidea.
• Berdintasunerako eta diskriminaziorik eza jasotzeko eskubidea.
• Informazio egokia, erabilgarria eta egiazkoa eskuratzeko eskubidea.
• Adierazoen askatasunerako eskubidea.

Nola jolasten da?

Galdera lehiaketa tradizional honek gaurkotasunari lotutako sei galdera edo baieztapen planteatzen ditu. Hiru erantzun posible ematen dira, eta horietatik bakarra da guztiz egiazkoa.

Aukera daiteke jolas kooperatiboa egitea; alegia, ikastaldea osatzen duten ikasle guztien artean planteatutako galderen erantzunak aurkitzea. Bestela, elkarren artean lehiatuko diren taldeak osa daitezke, galderak lehendabizi nork asmatzen dituen ikusteko. Azken kasu horretan, jokoaren amaieran gehien asmatu duen taldeak irabaziko du.

Jolasaren ondoren

Asmoa da galdera edo baieztapen bakoitzak mahai gainean jartzen dituen gaiei buruzko eztabaida sortzea.

Hona hemen, adibide gisa, eztabaidan nabarmendu daitezkeen ideia eta kontzeptu batzuk:

• Zerk pizten du arreta gehien, planteatutako kasuetan?
• Gizarteak beti izan al du ikuspegi kritikoa azaltzen diren kasuen aurrean?
• Nola uste duzue aldatu direla gauzak?
• Planteatzen diren kasuetan, non amaitzen da informazioa eta non hasten da iritzia?
• Zer informazio behar da iritzia eman ahal izateko?
• Non lor daiteke informazio hori?
• Planteatutako gatazkek elementu positiborik ekarri al dute? Zein? Zergatik?
• Gogoan al duzue prentsak, sare sozialek eta beste hedabideek nola tratatu zuten azaldutako kasuetako bakoitza?

Erantzunak adibide zehatzekin lagundu daitezke. Gainera, jarduerarekin jarraitu nahi izanez gero, gai bakoitzari buruzko informazioa bila daiteke, taldeka edo banaka.

Hitz gakoak:

Bakea, indarkeriarik eza, bizikidetza, errespetua, desberdintasunak, tolerantzia, diskriminazioa, albisteak, fake news, komunikabideak, sare sozialak.

Nori zuzenduta: DBH eta Batxillergoa.

Editaia: UNICEF Espainia, 2023ko abendua.

Edukiak eta ekoizpena: Eduxarxa, SCCL

Beste hizkuntzetan eskuragarri: CAT | EUS | GAL | VAL

Genially-n eskuragarri: CAT | EUS | GAL | VAL